GLC girdle

2011年12月31日 星期六

「一對一的試身服務」

何謂「一對一的試身服務」?


 


GLC雖然並不是大形連鎖式商店,


沒有堂煌的門面及裝修,


但是我們很希望能盡力為各位顧客提供最優質的服務及產品。


 


亦因為是GLC店主的「小生意」,


所以很多空間去實踐一套服務理念,


就是「一對一的試身服務」。


 


目的是讓女士在選購貼身恩物時,


能擁有最私人、最舒適的試人環境,


每個時段只招待一位/組已預約之客人


並不會有其他陌生人在試身間外走來走去,


或一大堆店員不停在試身間外講八卦,


更不會有店員為「跑數」而使用其轟炸式銷售方法,


迫使妳買下三五七件內衣。


 


店主同時為妳提供正確穿著、使用、清洗及貯存內衣的技巧,


某些產品更包括了免費修改服務,例如Girdle


以便準新娘子於婚禮前體形有改變。


 


很多客人購物後都向我們表示如此的試身體驗真的非常捧,


感覺舒服又不會尷尬,


既可向店主查詢穿有關內衣之疑問,


又可以分享一下穿著內衣及改善體形之心得,


這就是市面商店與GLC服務之差別。


 


當然,要擁有最私隱及貼身的試身服務都需要有賴您的配合與支持
何謂配合與支持?
只需要閣下
1. 預約前,先確定將會預約的試身時間是否能到來,敬請避免臨時失約。
2. 希望已預約之客人能準時到達,那不會令下一位客人等待。
(如顧客逾時超過10分鐘,本店有權更改/取消閣下之預約時間)

其實GLC開店以來,我們可愛的客人99.9%都能配合我們啦,真是非常感激大家喔~


本店接受預約時間:

星期一至五:下午二時至七時半
星期六:下午二時至六時
逢星期日及公眾假期休息
(敬請避免星期四預約試身,因為大部分時間會處理批發事宜,需要外出工作)
本店恕不接待非預約即場到訪

聯絡方法:
http://www.glc.com.hk/contact.php

2011年11月19日 星期六

輕巧型功能內衣



針對一些客人主要希望提升胸部,


及改善胸部向外傾問題,


GLC誠意獻上最新產品 -- 輕巧型功能內衣。


 



輕巧型功能內衣





  • 全棉柔軟舒適
  • 輕巧纖薄
  • 杯位立體提升設計

 



  • 杯面平滑
  • 時尚暗花紋
  • 三色選擇: 黑、膚、粉紅


**相片中顏色與真品略有色差**

 



此批新品數量有限,有興趣試身記住預約啊
!


Contact:

http://www.glc.com.hk/contact.php

本店只接受電話預約,恕不接待即場到訪







 

 

 

 

 

2011年11月2日 星期三

自家廠房介紹2


上回講到我去左中山市嘅廠房「出trip」,
影左些少相比大家睇。


上星期三我又「出trip」啦,
今次去
佛山南海市廠房,
主要係為明年的新款內衣及
girdle睇辦及睇料。














晨咁早出發,先去琛圳搭和諧號1小時便到廣州東站,
轉廣州地鐵
1號線到花地灣站要30分鐘,
廠長就會揸車來接我到南海市廠房,
只需
15分鐘就到。

花地灣站係廣州邊邊,
離佛山非常近,
而廣州市交通十分繁忙,
如果揸車去廣州東站接我有排塞車,
所以自己搭一程地鐵都好方便。


其實我地係南海市有好幾間廠房,負責唔同工序。

呢度就係今日去嘅廠有5層樓~

 

3層係車間,
工作環境都唔錯架,
乾淨整齊。





 





1層裁床



 



 































跟住紙樣用電剪裁布


 

 

 


1層係寫字樓及會議室

 

 

2011年10月15日 星期六

新婚夫婦


一對新婚夫婦現長期進駐本店迎接客人,

他們會穿著華麗的婚紗禮服企定定招呼大家~

 

 

















 

係咪好精緻呢? 係我好朋友嘅手作室做嘅,

人手用冷勾成架,有6寸及12寸,

可作花車公仔、reception table裝飾、送禮都好啱架~

 

有興趣可參觀一下:

SAILO B CREATIONS

http://blog.yahoo.com/sailo-bunny


2011年10月11日 星期二

馬爾代夫 - 酒店,航班及package選擇


20111月份,我去左一個畢生難忘嘅地方 馬爾代夫!


 


接住幾篇blog會分別介紹:


1.   酒店,航班及package選擇


2.   Angsana Ihuru, Maldives


3.   Angsana Velavaru, Maldives


4.   馬爾代夫旅遊小tips


 


酒店篇


 


第一件事當然係揀酒店啦!


選擇酒店係令我最頭痛嘅事,


因為我好清楚Maldives可能只係一生人去一次嘅地方,


所以一定要揀一間我認為最歎嘅!


 


今次揀左Angsana Velavaru, Maldives


http://www.angsana.com/en/maldives_velavaru/


作為Six Senses 粉絲,我都掙扎左好耐......


Six SensesMaldives3resorts,我唔揀嘅原因係因為:


Soneva Fushi


只係beach villa,冇in-ocean villa....


Soneva Gili


in-ocean villa,不過好似將間villa分開左一「kai kai」咁。


Six Senses Laamu, Maldives


今年新開的,我booking嘅時候未有bor!


 


不過最主要嘅原因係我比Angsana Velavaru呢樣嘢吸引住....


 


係咪好得呢?呢個係Premier In-Ocean Villa裡面嘅extended decksala(泰式開頂帳蓬)


直通大海浮潛去,


而家諗番起好似係天堂咁嘆~


 


航班及Package選擇


 


當時我只考慮左二個航空公司嘅package – 星航假期http://www.sia-holidays.com/


、馬航假期http://www.masholidays.com.hk/


因為呢兩間時間比較好及有信心d


其他選擇好似仲有斯里蘭卡航空及阿聯酋航空。


而我選擇左星航假期,因為坐過星航幾次服務都好好,


回程又可以免費stopover星加坡玩!


 


我嘅flight Itinerary大概係咁: 


去程-


HKG SIN SQ861 1525 / 1920  à A380 (好大隻呀!)


SIN MLE SQ452 2040 / 2210


回程 -


MLE SIN SQ451 2325 / 0705


SIN HKG SQ870 1900 / 2245  à 係星加坡玩多幾日先走


 


根據以上航班,去到馬爾代夫首都馬里(MALE)已經係夜晚,


不過其他航空公司都係差唔多時間。


大家再留意下由馬里回程到SIN23:25


酒店11am check out,咪好過癮,大把時間係馬里玩,


事實係好痛苦,因為要遊馬里只需要1小時,


其他時間係簡陋嘅機場摳足N小時,好可怕....


值得考慮嘅係聽講馬航回程去KL好似早D


大約九點幾,大家可以去checkd


 


再來講下package –


比少少briefing大家,


大家都知馬爾代夫係島國,


而大部份有water villa resorts 或者高級嘅resorts都建係離開馬里頗遠嘅島仔,


(咁先係世外桃園嘛!)


接駁交通只有快艇或水上飛機,


不過馬爾代夫政府規定好似10pm後唔比水上飛機升降,


所以夜晚只可以用快艇駁腳。


咁近嘅resort都冇問題,遠就唔得啦!


 


由於之前提到去到馬里已經係夜晚,


所以大部份由香港出發去馬爾代夫嘅package


係第一晚住馬里市或馬里附近嘅酒店,


(機場去馬里都要坐5分鐘艇)


第二朝再去番機場坐水上飛機去你間resort


book package嘅時候,你都可以睇清楚第一晚住邊間酒店,


一般來講,location係馬里市嘅酒店比較簡陋,不過勝在第二朝番機場方便d囉。


好似我個package第一晚住遠少少,坐半個鐘快艇去Angsana Ihuru個島,


不過好正呀,全beach front villa, 第二朝一行出去就係海灘,無敵呀!


(Angsana Ihuru詳文在後一篇介紹)


 


再講下meal set先,


大部份package係包早餐的,你要考慮會唔會加錢要「Half Board(晚餐)orFull Board(午餐+晚餐)


通常show出個價錢係per person per day


要留意一upgrade要兩位一齊及每日都upgrade的,


所以記住要乘一乘條數,都好「那利」架。


亦可以做下準備功夫,上網打聽下你想住果間酒店餐廳價錢如何,


如果可以散叫下pizza pasta,分分鐘咁食仲慳番好多。


唔想煩就揀club med啦,乜都包晒,不過我嫌佢唔夠幽靜。


 


最後要留意比較係其他住宿優惠,


例如:early-bird discounthotel promotion honeymooner benefits


D 酒店honeymoonerupgrade房,送set dinner,或spa優惠,


記住要問清楚呀!

2011年10月4日 星期二

期待已久的新款~

好多朋友及客人看過本店的leaflet都問我有冇呢款胸圍,


 


之前一直未安排到,而家有啦!



 


點解呢款咁多Ladies期待?


 


因為佢係光滑面的,著貼身衫一定唔會透邊邊 ;


另外,質地非常柔軟透薄,舒適之餘唔會焗身 ;


最重要係有5個背扣,全面覆蓋妳背部的肉肉,


穩固地將鬆開的肉肉鎖住係胸前適當位置,


更使胸部豐滿!


 


記住GLC的矯型胸圍係唔需要著多條「橋」的


因為我們的胸圍前後左右上下都已有足夠的承托力,


何需再買多條「橋」?


 


此款式更備有肉色,著淺色衫一定冇問題!


 


詳細價錢請參考:


http://www.glc.com.hk/products.php


 


-------------------------------------------------------------


 


來訪只接受預約,恕不招待walk-in客人。


聯絡方法:


http://www.glc.com.hk/contact.php

2011年9月29日 星期四

來訪只接受預約

又要長氣地說明多一次:


來訪只接受預約,


恕不接受walk-in客人。


最近幾天也有幾位walk-in客人,恕店主未能一一招待,


我在此向各位致歉。


 


希望各位明白我必須優先招待已預約之客人;


也正因為本店是一對一私人貼身服務,


很多女士預約時已跟我說明希望有絕對的private環境,


所以也不便招呼walk-in的客人入內參觀。


只要貴客打一個電話跟我預約,


本店絕對會為妳提供最好的服務及舒適的試身環境。


多謝合作!


 


如有興趣於繁忙時間試身,敬請最少預早三天致電預約~


本店繁忙時間:


Mon-Fri: 6-8pm


Sat: 2-7pm


(Close on Sun)


---------------------------------------------------------------------------------------------------------------


聯絡方法:


http://www.glc.com.hk/contact.php

2011年8月25日 星期四

教妳如何帶NU BRA

所謂「功欲善其事 必先利其器」,買武器又豈能唔識用佢呢?



來本店購買NU BRA,我必會用心教導客人配戴方法。



不過好多客人到用嘅時候到會:「敝家伙! 唔記得左!



唔記得點帶好正常,因為可能由買到用中間時間相距甚遠,



呢個時候當然歡迎妳打電話問番我點用啦

(不過需講低貴客之電話比我check番購買紀錄,以防白撞);



或者妳有時間可約我上來教多妳一次啦;



唔想咁麻煩?!



來本店facebookLIKE」一下啦~



http://www.facebook.com/#!/pages/German-Lingerie-Collections-GLC/175179799205047



upload左一段NU BRA使用短片教學係GLC facebook PAGE

(男生不用太開心,我只係用假模特兒示範)



以後仲會係個PAGE upload其他內衣用品示範及本店最新消息,



請大家支持下,來「LIKE」我個page同埋share比妳d姊妹啦~

2011年8月23日 星期二

盛夏‧新品

最近實在是忙呀忙,店主只得一對手,只怕有時招呼唔到,請見諒!


 


早於上個月,新貨已經到達,也有不少捧場客已經入左貨啦~


 


今次嘅「盛夏‧新品」色彩鮮艷,仲配上輕薄嘅小內褲,為呢個炎炎夏日添上幾分涼意...


 


睇相:


 


 


點解得咁少preview? 當然想妳來親身試試看啦~



 


 


唔好嫌店主長氣,請最少預早一兩日預約


為左令每位女士有最舒適的環境試身,及提供最貼心的服務,


每個時段只會serve已預約左嘅客人,


本店恕不招待walk-in的客人,請見諒!


 


聯絡方法:


http://www.glc.com.hk/contact.php

2011年7月21日 星期四

自家廠房介紹


今次回廠,終於記得影番兩張相比大家了解下GLC內衣生產廠房。



廠房位於廣東省中山市及南海市,

我地有好幾座有規模嘅廠房,

唔係山寨廠黎架~

今次我番中山市總樓同廠長傾野,

由於我番到去係下午放飯,

所以影唔到D女工。



中山市總樓




 寫字樓 - 有點凌亂,D爸爸就咁long係個partition?!

 
 

QC未食完飯就來開工,抵讚!






電腦紙樣房



 

辦房車間即係研究新款起辦的車間

放飯會熄燈,好環保啊! 香港都未必做到。





生產車間 + 店主


2011年7月13日 星期三

不是「魔法內衣」


經常會跟客人說矯型內衣不是「魔法內衣」,


它不會將妳叮一聲變瘦的,


別的店跟妳說可以,也是無良商店百分百的欺騙手法!


 


要令矯型內衣發揮其功效,


必須配合修身餐單及適量運動。


隨著妳的體重、脂肪比例及肌肉分佈開始有變化,


矯型內衣就好像一件修身工具,或者一個模,


去緊緻肌肉,再塑造體型曲線,


溜走的推至集中,下垂的往上提升,


當然持之以恆一段時間,妳失去的必定可以重建起來!


各位美女加油!!!


 

2011年7月1日 星期五

新貨試穿

新貨.....未到....



不過今日廠長寄左一大堆新貨辦給我(全部是我的size),


待店主試穿後,選出最好的貨款給GLC的顧客!


最正的是,有一款收腹挺臀修美腿的legging


可以著出街喔,最適合喜歡穿legging的妳、我、她!


 


待新貨齊碼及送貨後再通知各位,大約七月中左右吧!

2011年6月25日 星期六

Wonder Girdle 75B (34B) 暫時缺貨

Wonder Girdle 75B (34B) 暫時缺貨了!


(此款是內置PUSH UP效果的)


我還有一個供客人試身的,如果合身可預訂,貨到會送到貴客手上。


大概七月初會回貨。



Classic的一款Girdle仍然齊碼,客人都可以試試啊!


不便之處,敬請原諒。

2011年6月16日 星期四

大家快來facebook 「Like」我&「打卡」啦!

剛剛學人係facebook整左個page,


只要妳去以下條link「Like」下本店


http://www.facebook.com/pages/German-Lingerie-Collections-GLC/175179799205047



再到我舖頭「打卡」,



該次購物總數即時減$5  !


(每人只限使用一次本優惠喔)


優惠期有限~


 


我個PAGE會定期UPDATE本店最新消息,


例如新貨、優惠等,一齊來LIKE啦!


 

2011年6月1日 星期三

U 之魔法



大家有冇見過呢對U型硅膠墊呢?


唔好睇少佢呀,佢可以令胸部提升,


最重要係能夠將胸部推得更集中,


視線上胸部更加豐滿,但又感覺自然圓渾,


唔會覺得好誇張嘅。



 



Unu pad適用於GLC girdle,皆因girdle內置小袋放入;


又或者任何有袋仔嘅bra braok !


上來試過嘅新娘子都齊讚呀!


 


 


----------------------------------------------------------------------------------------


來訪只接受預約


為使各位尊貴的顧客能夠享受私人及舒適的試身環境,


所有顧客來訪前請必須預約喔!


歡迎致電或email!


 


http://www.glc.com.hk/contact.php

2011年5月27日 星期五

免費改girdle服務





其實幫襯過嘅客人都知道本店有2次免費改girdle服務(**請留意本文末段,有關修改girdle的細則**)

一次係剛買左嘅時候,另一次係結婚前。

有人會問點解Girdle要改呢?



因為大部份女士都會有兩邊胸部唔對稱問題(一邊大一邊細),

導致穿上Girdle時,一邊杯位唔夠貼,

如果少少問題唔太明顯可以唔理,

因為穿上婚紗晚裝後,上圍比條裙拉緊左,其實蓋住冇問題;

不過如果兩邊胸部太大分別,細果邊會離罩得好明顯,

呢個時候我會改改個Girdle邊位,咁就會貼番晒啦!



咁究竟點解平時著自己個bra時又唔覺會離罩呢?

好簡單,因為GLC Girdle個杯位係挺身胸杯,

作用係撐起婚紗晚裝係上圍位置,

有別於妳地平時軟林林嘅bra bra

另一點係GLC Girdle背部造得低比各位新娘露露背,

因此連接胸杯同背嘅拉布當然要呈斜線設計(見下圖)

加上除左條肩帶後明顯會失去部份承托力,

所以細d果邊胸會有d離罩情況出現囉。



其他內衣店可能會幫妳一邊加個大墊,

不過「領」過野嘅姊妹都知道加個墊都解決唔到問題,

個墊只會將個杯位「呀」得更開。



身為一個貼心嘅老闆娘,妳買左我嘅girdle,我一定會改到妳稱心滿意~






仲有d新娘子結婚前減肥成功,瘦到個girdle扣最入果格都有鬆,

為左恭喜妳完成左女人嘅美麗夢想,

我梗係好樂意幫妳改窄佢啦~


希望各位滿意本店服務啦!

**GLC免費修改girdle細則**
1. 第一次修改是顧客於購買girdle時(即日),本店會對任何不合身之地方作出修改,修改需時最遲一至兩個工作天完成。
2. 如於購買當時girdle是合身的,不需作出任何修改,即視作「無須使用第一次免費修改服務」。
3. 如顧客在購買girdle後
第二天向本提出修改服務,則會算作「最後一次之修改服務」。

4. 「最後一次之修改服務」並沒有期限,原意是希望新娘子如在婚禮前體型有變,我們能夠為妳將girdle修改至合身。
5. 如
需要使用「最後一次之修改服務」,必須於使用前\婚禮前30日致電我們提出修改預約。
    貴客需要帶同單據前來本店度身,放低girdle處理(並非即日取走),再來試一次。

6. 如  貴客提出之時間不足一個月,希望特快處理,需繳交$80附加費
7. 最短的修改期為7個工作天,本店將無法處理並拒絕少於7個工作天的修改要求。
    不便之處,敬請原諒。
    (以上資訊會在閣下購買girdle時詳細說明一次)

8. 本店並不會修改非本店購買之貨品。
9. 本店有權保留「免費修改girdle服務」之修改及使用權利。

----------------------------------------------------------------------------------------

來訪只接受預約

為使各位尊貴的顧客能夠享受私人及舒適的試身環境,

所有顧客來訪前請必須預約!

歡迎致電或email!

http://www.glc.com.hk/contact.php