GLC girdle

2010年12月1日 星期三

十一月最強熱賣貨品!

十一月生意係最好嘅一個月,而今個月有一款內衣銷售非常強勁,


去到11月24號已經差不多每個size都斷貨,唯有叫客人先落訂拿拿聲番貨啦。


就係呢款 - Alice!!


個款著起好young,個胸當然托得豐滿啦,


胸圍夾位造得好貼,緊緊地包裹住腋下及背部D肥肉。


條褲仔有收腹作用,蓋住你個小肚腩。


我自己都著緊,好正呀!



 



http://www.glc.com.hk/pro_detial.php?id=17

2010年11月30日 星期二

本店有幸獲ELLE Wedding介紹!

很開心啊!

本店的矯型內衣獲ELLE Wedding介紹給準新娘子,多謝編輯Rachel~

November2010



 




P.165

 

2010年10月22日 星期五

放心試啦!

認識我嘅朋友都知我有輕微潔癖,所以來本店嘅客人都無需太擔心衛生問題,每次客人試完Nu Bra 或 Pad我都會用火酒消毒架!


2010年10月13日 星期三

慢慢試 慢慢揀

開店以來都發現—個現象,就係好多客人都好怱忙,尤其是夜晚上來嘅客人。


 


有的試左一兩款就買完趕住走,其實佢仲想試多幾款,走左我先記得冇比袋,冇比單,最重要冇教佢平日點著同保養件內衣,有留低電話嘅唯有call佢同佢講番。


 


其實如果有興趣上來嘅朋友不妨預多些少時間,因為我可以同你分析—下閣下身型問題,再揀-d適合你身型嘅內衣比你慢慢試,真係任試唔嬲架!而且我要認真教你正確穿著方法,唔係個個-教就著到,再比你自己practice,咁你番屋企就一穿便成功!


所以希望各位靚女起碼預半個至-個鐘頭時間來慢慢試、慢慢揀啦~

2010年10月3日 星期日

新娘佳音 – Nu Pad – 立即升Cup

最近的客人都向我表示,希望新婚當晚或影Pre-wedding可以令上圍豐滿d,著晚裝時可以show下身材! 我當然鼓勵佢地穿著矯型內衣啦,豐胸又可瘦身,不過有部份客人原來過幾日or幾個星期就結婚或去影相,咁遲揾我點攪呀? 咁我都好明白作為準新娘嘅感受,於是小妹決定入一批Nu Pad比-d胸部唔太突出或者本身有料仲想製造深溝嘅姊妹,包保妳用左足以令人窒息!


今次呢批Nu Pad有三款,可置於Girdle內使用:


1. UNu Pad



-         適合使用人士: 胸型外擴、不集中及有腋下鬼鼠肉之女士


-        使用後效果: 將外擴之胸部脂肪及肌肉固定於Girdle杯罩內,加強集中及令胸部推高,形成深溝,同時減少腋下鬼鼠肉形成。


2. Nu Pad (Small) – 上薄下厚設計


-        適合使用人士: 胸部下垂,兩邊乳房不平均及胸部稍為扁平之女士


-        使用後效果: 令胸部填滿杯罩,將胸部推高,外觀圓渾豐滿


3. Nu Pad (Large) – 超大上薄下厚設計


-        適合使用人士: 胸部下垂,胸部扁平或欲令人噴血之女士


-        使用後效果: 同上 + 噴血、警鐘胸...


詳細請參http://www.glc.com.hk/products.php


返貨幾日,每位上來買Girdle之新娘都要買件走,-生人-晚做主角,當然要去「行」d!


不過都要講句,此乃治標不治本嘅方法,如果仲未到婚期,建議妳用幾個月時間著矯型內衣改善胸型及腋下鬼鼠肉,咁先有long term嘅效果㗎!

2010年10月2日 星期六

可愛乳貼

大家著過Nu Bra都有經驗係會現, 如果影相或結婚換衫時唔想尷尬, 可以用乳貼就唔使驚啦!


 


三款可愛乳貼:


 


心心 花花 圓波


 


詳細請參 http://www.glc.com.hk/products.php

2010年9月29日 星期三

最fit新娘

因為本店有發售Girdle,所以最近多左準新娘子幫襯,好多時除左睇Girdle之餘,都對矯型內衣好有興趣,希望可以keep fit d新婚當晚以最佳狀態示人,究竟矯型胸內衣點樣幫到新娘子呢?


一般女士都會有一舊贅肉(腋下附乳)積聚係腋下位置及胃部(紅圈),當穿上Girdle、露肩或緊身晚裝便表露無遺,輕則一舊肉;重則3幾接肉「之」出黎同賓客敬酒!


而由於矯型胸圍杯邊及肩帶設計貼近腋下,再配合具承托力之彈性橡筋,便能夠適當地包裹著腋下附乳及胃腩,加上矯型束衣加強定形作用。穿著一段時間後,附乳定形於胸杯位置,胸部亦因此而提升-個cup位,即使新婚當晚用Girdle或Nu Bra都唔使怕有一舊贅肉走出黎,而且穿著任向婚紗晚裝都能盡顯豐滿的上圍。



不過各位準新娘子唔好咁遲先來揾我呀!

2010年9月21日 星期二

本店隆重推出 – Girdle & Nu Bra

新娘子及姊妹喜訊!!


 


本店隆重推出婚紗晚裝良伴恩物 - Girdle Nu Bra!


 


一襲華麗的婚紗和晚裝背後都需要一件束衣去修飾身型的曲線,小妹知道各位準新娘都會四處張羅,慕求找到一套合身又舒適的GirdleNu Bra去襯托嫁衣,新婚當晚成為最完美的新娘子!


 


本店新推出之Girdle乃小妹親自參與設計,更試用了一段時間確保實用及舒適才生産,所以絶對信心保證,並非一般商店售賣之普通貨式,著到新娘子整日冇氣透。


 


Nu Bra也是自家生産,全Silicon 矽膠製作,防敏感膠水,可清洗再用。


 


由於以上產品乃自家廠房製作,暫未有漂亮的packing!


歡迎找我或到本店網頁( www.glc.com.hk) 查詢價錢。


 



 


背位設計特低,適合露背婚紗晚裝!



 


2010年9月20日 星期一

玄學大師-鍾師傅光臨本店!

因為上一份工作認識了玄學大師-鍾亦禮師傅鍾師傅好有心呢知道小妹開店專誠來找我我呢個厚面皮嘅女子梗係唔放過佢請佢贈番兩句。大師果然係大師,隨身帶備羅庚! 鍾師傅贈左兩句,學左兩下擋剎催財擺設,真係唔該哂!


 


本店將會提供購物優惠予玄空星相學會會員喔!


 


有興趣跟鍾師傅學野或睇風水算命改名,可以參考以下網頁


www.hkmac.hk



 


鍾師傅下次食飯我嘅!

2010年9月13日 星期一

本月TOP SELLING MODEL

最近上來嘅客人大部份都有同一個身形問題,就係著完胸圍之後,手臂腋下間都會""左舊"鬼祟肉"出黎,著小背心時有礙觀瞻,問題長時間唔處理的話,呢舊脂肪恐怕點攪都無效。


有以上煩惱嘅客人上到黎我多數建議佢著Louise (http://www.glc.com.hk/pro_detial.php?id=16) G002B。呢款矯型胸圍夾位設計緊貼腋下至背部位置,重點包裹脂肪於胸圍內,配合正確穿法更可連同手臂bye bye肉收緊,脂肪不容易走出;胸圍採用5個背扣,亦能鎖住脂肪於杯罩位置,更有效收緊胃腩脂肪。


我自己都長期著住,大概2個月到發覺以前"必"出來舊肉會被定型在杯罩內,當你要著吊帶背心時著bra top或無帶bra都唔會有舊肥膏走出來,不過記住唔著小背心時要用番個矯型胸圍呀!


Louise



2010年9月7日 星期二

矯型Bra前與後

 


好友Kate帶來朋友C小姐來幫襯,C小姐身材唔錯架,經佢同意後可以放佢穿著矯型內衣前後效果比大家參考。


 


C小姐胸部算豐滿,不過一直用開普通爸爸嘅佢因肩帶過幼及cup位唔啱,所以造成胸部下垂及胸部兩邊外傾問題,原來佢自己都覺得隨著年齡越大,呢個問題越來越嚴重,所以先上來睇下。


 


由於標準胸高應大約在肩膊及手肘中間位置(見下圖藍線)C小姐原本的胸高遠低於標準(見下圖紅線),以及明顯見到胸部外傾,穿著80B普通黛安賓胸圍的嘅佢實情係應該著80C,因為胸部一直被冇承托力及著鬆晒嘅胸圍壓扁左,附近有多餘脂肪橫陳,實在慘不忍睹。


 


當穿上矯型胸圍後,胸部提升及cool番住四周嘅脂肪,自然成個胸形出番晒黎,普通一件Tee都能著出女性美!


C小姐需要戴住呢個啱身嘅胸圍3個月到開始見效,除左bra都會挺d ga,記住要有恆心!


 


其實「事業線」每個女士皆有,並唔係夾硬迫出黎,只係各位女士一直戴錯胸圍,引致咪咪走晒樣,妳都要開始好好保養啦!


 


2010年9月5日 星期日

試身疑惑

有朋友問: 來試胸圍係咪要除晒衫比我睇?會唔會好尷尬?


等我講解下你嘅試身程序,比你有個心理準備:


來試內衣有2種女士 - 怕羞型 & Casual型


如果你是怕羞型:


度身 - 首先請進入試身室脫去上衣keep住個bra,我會入來幫你度好要量度嘅尺寸,亦會了解你原本的身型線條有何問題,例如胸部下垂、腰部兩者脂肪積聚等,從而對症下藥。但我強調如果度身時穿著衣服,可能未必準確,試身時或需要試多幾次先找到個最fit嘅。


試身 - 選擇合size嘅bra比你,當穿上後至叫我入來幫你扣背勾,然後教你如何正確將四周脂肪推入胸圍,最後教你日常如何自己穿著。


放心!全程我都唔會見到你最重要嘅部位。


如果你是casual型:


度身 - 脫去上衣及自己的bra & 外褲,當然我需要了解一下你的身型問題,然後更準確量度各部位尺寸。


試身 - 我會係旁邊一面講解穿著方法,而你一面可以即時體驗正確穿著方法嘅效果!


各位姊妹光臨時,不妨話我知你preference啦,最緊要係你試得安心!


By the way, 我都係女人黎,唔使咁緊張!

2010年9月3日 星期五

矯型三式

GLC的矯型內衣一般由三件組成,要擁有完美的線條效果當然最好整套穿著,

當然客人可按自己需要而選擇任何一件去改善身型啦!

現在為大家逐一介紹矯型內衣每一部分的特點與功能。



矯型胸圍:

胸圍覆蓋面積較普通胸圍多,包邊配上極具彈性橡筋帶,當穿著正確後,全面將手臂、腋下及背部的游離脂肪(俗稱「鬼祟肉」)集中於胸部,使胸部豐滿緊緻。

肩帶需承托起胸部之重力,因此必須要有相當粗度方可使胸部得以提升至標準位置(肩膊與手肘中間)



修身束衣:

束衣用作進一步承托胸部、改善寒背、修正腰間及背部線條。

束衣將胸部四周之脂肪更緊聚於適當位置,撫平腋下及背部脂肪,更有效使背部保持挺直姿態。

腰間設計由多條骨加上立體剪裁,撫平胃腩及肚腩脂肪之餘亦能塑造曲線效果。



修腹褲:

採用高腰式及覆蓋大腿設計,控制腹部及大腿脂肪,改善大腿線條。

臀部製以立體臀褶,提升臀部並締造圓渾的臀形。防菌網底設計有效防止婦科病產生。





妳心目中有希望改善的部分嗎? 可隨時找我喔!

2010年8月26日 星期四

矯型內衣的基本修身原理

一般女士配戴的普通胸圍肩帶多沒有足夠拉力及支撐力,胸圍的罩杯和布料更缺乏承拓力。由於脂肪是會流動的,長期穿不合適的內衣,會破壞胸部輪廓,胸部脂肪壓迫至腋下及背肌,不論正面或側面,胸部線條未能突顯,形成平胸的現象,甚至導致胸部下垂或外擴等問題。


矯型內衣是根據人體結構學、力學、專業且複雜剪裁與各種物料製造而成,當穿著一段時間後,身體各部分如腰部、臀部、胸部、大小腿以及手臂側等「鬼鼠肉」循序漸進地慢慢修改過來。


穿著了矯型內衣的女士大概兩至三個月時間已經看到效果,最理想當然是配合均衡飲食及適量運動,效果更為顯注。


下一篇將更深入介紹穿著了矯型內衣後的效果。

2010年8月20日 星期五

公司架構 Organisational Chart

CEO - 梁先生


CFO - 梁先生


COO - German


Shop Manager - German


CRO - 我的小狗 - 妹妹


(Chief Relationship Officer)