終於的起心肝繼續寫馬爾代夫之旅，
因為昨日有客人話下年honeymoon會揀Angsana，
仲追緊我個blog，催我快手d寫....係嘅老闆!!
上回提過，由於到達馬爾代夫首都馬里已經係夜晚十點幾，
所以多數package第一晚會stay係近機場嘅酒店，
第二朝先出發去你嘅dream
resort，冇咁唗嘛，話晒都差唔多成萬蚊晚。
一落機見到馬里機場好細，
immigration得幾個櫃台，
想橡下幾百人去排隊 + 慢吞吞的關員要等幾耐?
算啦，來天堂度假又豈可心急動氣呢?
耐心等大半個鐘啦，到架啦~
出去入境大堂就去搵自己酒店個counter啦，(有d似澳門馬頭入境大堂個情況)
搵到就去同工作人員點名，
之後要等齊同機同酒店嘅人先可以走架，
此時唔好行太遠，不過其他出面都黑忟忟冇野好睇。
(再回帶一下，因為當地政府規定夜晚唔比開水上飛機，
所以只能用快艇駁腳。)
等齊人就行過隔離有好多小碼頭，
工作人員會指示大家坐邊隻快艇，
一隻艇大約坐7-8對couples，
想吹下海風望下野記住坐尾位喎!
如果閣下嘅package係馬里市酒店，
都要坐艇架，不過只係機場對面，需時5分鐘，
去Angsana
Ihuru, Maldives船程大約30分鐘，
上船後有dessert
delight 一下大家。
30分鐘後，到Angsana Ihuru, Maldives個島，
一落艇....都係一個黑媽媽碼頭，
職員帶大家到Lounge辦理check-in手續，
此時職員亦會送上雪糕比你吃。
check-in完畢會由一位staff帶領去你嘅beach villa，
staff會介紹一下酒店設施，早餐時間位置，
及最重要係明早幾點集合坐艇返機場搭水上飛機。
沿途環境十分寂靜，無一粒人聲，只有小蟲唧唧叫聲，
還有小徑上嘅點點燈火浪漫地點綴。
我開始感覺到自己真正到左一個絕對遠離繁囂嘅地方....
Lounge
一入villa有種感動，因為一直認為呢度只係「間場」住一晚，
第二朝一早走，冇咩expectation，
但係呢份意外嘅感覺真係令旅程開心指數「升呢」!
一入門口右手邊係toliet，呢個toliet真係唔簡單，
因為佢係絕對open嘅設計，係open屋頂...
除左個馬桶同洗手盆有瓦遮頭，花灑嘅位置係露天(落雨點沖?)，
因為個花灑位置同屋外嘅path係一牆之隔，
當晚我沖涼都冇乜安全感....
經過toliet就living and bedroom, 都係好relax嘅感覺。
然後有度門直出沙灘與大海了~~
無可否認，呢張swing
bed係本人最欣賞嘅設施，
對住個海swing
swing 下，真係好hae!
突然間比我發見到一家大小嘅小動物偷偷摸摸想走入房，
好攪笑，比我發現左就「鳥」咁腳走，好kawaii 呢!
馬爾代夫的早晨!
早餐and dining位置係碼頭旁
Say Bye to our Villa~
第二朝我地出發去番機場，坐水上飛機去天堂啦~
Bye Bye Ihuru~~
前篇--馬爾代夫 - 酒店，航班及package選擇
沒有留言:
張貼留言